ҚР Энергетика министрлігі Түркістандағы 1000 МВт электр станциясының құрылысын тексерді

ҚР Энергетика министрінің тапсырмасы бойынша Мемлекеттік энергетикалық қадағалау және бақылау комитетінің төрағасы Ержан Ертаев қуаты 1000 МВт болатын бу-газ қондырғысы (БГҚ) негізіндегі электр станциясының құрылыс алаңына барды. Ол нысандағы негізгі құрылыс жұмыстарын «Түркістан БГҚ» ЖШС басшылығымен және бас мердігер - Doosan Enerbility және Integra Construction KZ консорциумы өкілдерімен бірге аралап көрді.

Бүгінде құрылыс алаңында 950-ден астам адам еңбек етуде, жұмыс екі ауысымда жүргізілуде. Электр станциясы жабдықтарының 87%-ы жеткізілді.

 

 

«Жоба техникалық тұрғыдан күрделі. Біздің команда оны іске асыру бойынша белсенді жұмыс жүргізіп жатыр, коммуникациялар бірнеше деңгейде қатар жүріп келеді. Барлық күш-жігеріміз құрылысты белгіленген мерзімде аяқтауға және алғашқы қуатты беруге бағытталған», - деді кездесуде «Түркістан БГҚ» ЖШС Басқарма төрағасы Ұлан Бүркітов.

Құрылыстың маңызды әрі күрделі кезеңдерінің бірі еңсерілді: төрт газ турбинасы мен генераторлар уақытша тіректерге орнатылды. Алдағы кезеңде агрегаттарды жоғары дәлдікпен центрлеу, сондай-ақ қосалқы жабдықтарды монтаждау жұмыстары жүргізіледі.

«Оңтүстік өңірлерде электр энергиясының тапшылығы байқалады, сондықтан Үкімет жаңа қуат көздерін іске қосуға ерекше назар аударып отыр. Қарқынды күшейту қажет. Энергетика министрлігі проблемалық мәселелерді бақылауға алып, оларды шешуге жәрдемдесуге дайын. Баршамыздың мақсатымыз бір - жобаны сәтті аяқтау», - деп атап өтті Ержан Ертаев.

Кеңес барысында құрылыс-монтаж жұмыстарының (ҚМЖ) барысы, газ инфрақұрылымын дайындау мәселелері, сондай-ақ әуе электр беру желілерін (ӘЭЖ) тарту мәртебесі - бірінші газ турбинасын және жалпы станцияны іске қосу үшін қажетті барлық жұмыстар талқыланды.

Еще больше новостей на нашем telegram-канале , подписывайся и будь в курсе!